بطاقه انسان
الحياه كتاب .. صفحاته الايام .. كلماته الاحزان .. وحروفه النسيان
وقارئه الانسان .. فأحفظه ان اردت العيش بسلام
فى البدايه اعرفكم بصاحب الكلام :
الاسم : انسان
الشهرة : ملك الاحزان
السن : عايش من زمان
الاقامه : تقدر تقول اى مكان
الؤهل : شهادات عاليه ودبلومه كمان
الوظيفة : صايع حتى الان
الحاله الاجتماعيه : اعزب لكن متجوز اوهام
الهوايات : محب للاحزان ، كثير التوهان
اعرفكم بنفسى كمان وكمان :
كنت طفل اه ياسلام
كل شئ كان عندى تمام
كنت واحد من الفرسان
ايوة فارس للاحلام
وبسرعة يمر الزمان
ويصبح الطفل من الشبان
فى عالم كان كله حيتان
مفهوش مكان للغلبان
وتلاقى القسوة فى كل مكان
وبدأت اعانى من الحرمان
من التــــــــــــــــوهان
من النــــــــــــــــسيان
بس كفايه بقيت تعبان
اكيد هتقولوا ان انا غلطان
بحكم ان انا مخلوق انسان
بس الحكم ده يبقى حرام
انا بعترف ان انا غلطان
بس اللوم على الزمان
من كتر الغدر معدش امان
ناس تجرح فى الكتمان
وناس تداوى بالاوهام
بس وربى ما هكون غلبان
مش هرفع رايه الاستسلام
وهبنى اقصر من الاحلام
واثبت للعالم ان انا انسان
وبعد ما تعرفتم على الانسان ،
كان نفسى اطرح كام سؤال
انا ليه بحس بالحرمان ؟
انا امتى هحس ان انا فرحان ؟
ياترى فى منى كام انسان ؟